Share:

Share on facebook
Share on twitter
Share on linkedin
pharmaceutical discussion program

नेपाल फर्मास्युटिकल एसोसिएसनको आयोजनामा शुक्रबार राजधानिमा सम्मान तथा अत्तरक्रिया कार्यक्रम सम्पन्न भएको छ । जीवनजल विकाशको ५० औ वार्षिकोत्सबको अवसरमा उक्त कार्यक्रमको आयोजना गरिएको हो ।
उक्त कार्यक्रममा ओरल रिहाईड्रेशन थेरापी अर्थात जीवनजलका पिताका नामले परिचित अमेरिकि वैज्ञानिक तथा चिकित्सक डाक्टर डेविड आर. नलिनलाई सम्मान गरिएको थियो । २६ वर्षको उमेरमै झाडापखाला तथा हैजाको रोकथामका लागी जीवनजलको आविष्कार गरि उनि विश्वभरि नै प्रख्यात भएका ब्यक्ति हुन । उनी भ्याक्सिनको प्रयोगले नन् कम्युनिकेबल डिजिज अर्थात नसर्ने रोग न्युनिकरण तथा निर्मुल गर्न सकिन्छ भन्ने विषयको खोजमा पनि महत्वपुर्ण भुमिका निर्वाह गर्ने वैज्ञानिकमा पर्दछन् । नेपाली औषधि उत्पादक कम्पनि भेगा फर्मास्युटिकल्स प्रा. लि. का मानार्थ सल्लाहकार समेत रहेका उनि नेपाल आएको र जीवनजलको ५० औ बार्षिकोत्सवको अवसर पारी यो कार्यक्रमको आयोजना गरिएको नेपाल फर्मास्युटिकल एसोसिएसनका प्रचार सचिव संजिव शर्मा कटेलले जानकारी दिए ।
कार्यक्रमा काठमाडौँ त्रिभुवन युनिभर्सिटीका प्रोफेसरहरु, स्वास्थ्य मन्त्रालय, स्वास्थ्य सेवा बिभाग तथा औषधि व्यवस्था विभागका अधिकारीहरु, औषधि उत्पादकहरु आदिको समेत उपस्थिति रहेको थियो ।

ताजा अपडेट